Release

വിടുതൽ

ഇമ്മിഗ്രേഷൻ ലൈനിൽ മ്ലാനവദനനായി നിൽകുമ്പോൾ കന്തൂറ ധാരി ചോദിച്ചു "വൈൻ ഇന്ത പതാക്ക ?"
അറിയില്ലെങ്കിലും അറബിയിൽ പറഞ്ഞു ഫലിപ്പിക്കാം എന്നു  കരുതി
"മാഫി പതാക ; പാസ്സ്പോര്ട്ട് ഇന്നി ..." ചില്ല് ജാലകത്തിന്നു വെളിയിൽ എൻറെ പാസ്സ്പോർട് നീട്ടിക്കാണിക്കുന്ന അറബാബിന്റെ ഡ്രൈവറെ നേർക്ക് വിരൽ ചൂണ്ടി .
ഒരു ജയിലിൽ നിന്നുള്ള മോചനം .
സ്വന്തം പാസ്പോർട്ട്‌ വിശ്വസിച്ചു കൈയിൽ വയ്ക്കാൻ തരാത്ത വിചിത്ര മായ നിയമങ്ങൾ .
"ജോബ് ..ജോബ്‌? " അറബി അറിയാവുന്ന ഇന്ഗ്ലീഷിൽ തിരിച്ച്
"ഡോക്ടർ ..."മന്ദഹാസത്തോടെ ഞാൻ
ക്രുദ്ധനായി അറബി അറബാബിന്റെ പ്രതിനിധിയോട്‌ എന്തോ ചോദിച്ചു .
കേട്ടത് മനസ്സിലായില്ലെങ്കിലും എനിക്ക് രസിച്ചു
തെറി പറഞ്ഞാൽ ഭാഷ ഏതായാലും മനസ്സിലാക്കാൻ കഴിയുന്ന ആ അമൂല്യ സന്ദർഭം .
"മാഫി മുസ്കിൽ ..." അറിയാവുന്ന ബാക്കി പറഞ്ഞു "ശു ക്രേൻ ; മാ സലാം "
പാസ്പോർട്ട്‌ തിരിച്ചു നല്കിയ ഓഫീസർ കണ്ണടച്ച് യാത്രാ മൊഴി നല്കി .
ഒരാഴ്ചക്ക് മുൻപ് ജീവിതത്തിൽ ആദ്യമായി ഒരു പിരിച്ച് വിടൽ അതും അന്യ നാട്ടിലെ സ്വദേശി കളായ മുതലാളി ഡോക്ടർ മാരുടെ സൌഹൃദ സമ്മാനം .
മൂന്നു വയസ്സുകാരിയായ മകളെയും ഭാര്യ യേയും ലണ്ടൻ ഫ്ലയ്ട്ടിൽ കയറ്റി വിട്ടു . പിന്നെ കൊലലംബൂരിലെക്ക് വിമാനം കയറാനുള്ള ട്രാൻസിറ്റ് ലോഞ്ചിൽ ഇരുന്നു .
എവിടെയാണ് തെറ്റിപ്പോയത് ?

വീണ്ടും ആ ശപിക്കപ്പെട്ട ദിനം മനസ്സിലെത്തി
ഫുജയ്റ ഡ്രൈവിംഗ് ലൈസെൻസ് കിട്ടാൻ കാലത്തുതന്നെ പുറപ്പെട്ട ദിവസം
നെര്സ് റെഡ്ഡി യോട് പറഞ്ഞിരുന്നു . കൂടെയുള്ള യുപിക്കാരൻ സഹപ്രവർത്തകൻ ക്ളിനികിൽ ഉണ്ടായിരിക്കുമെന്ന് കരുതി.
 കാലത്ത് ആരും തന്നേ വരുന്ന കാര്യമില്ല .
ഡ്രൈവിംഗ് ലൈസെൻസ് കിട്ടിയില്ല .
ഓടിക്കാനുള്ള കഴിവല്ല കാര്യമെന്ന് അറിയാമായിരുന്നു .

"എമർജൻസി വന്നാൽ ഞാൻ നീങ്ങളെ കൂടി വരാം സാർ " മുറിഞ്ഞ മലയാളത്തിൽ തെലുങ്ക്‌ ചുവയോടെ റെഡ്ഡി പറഞ്ഞിരുന്നു .
പാവം . അയാളുടെ ജോലിയും പോയി .
പണ്ട് ഹോസ്പിറ്റലിൽ ജോലിയായിരുന്ന കാലത്ത് ഒരു ക്ലിനിക്ക് തുടങ്ങാനുള്ള സൗകര്യം ചെയ്തു കൊടുത്തു പിന്നെ കോടീശ്വരനാക്കാൻ സഹായിച്ച തിനു നൽകിയ സമ്മാനം .
വയസ്സുകാലത്ത് ജോലി രാജി വച്ചു ജ്വല്ലറി തുടങ്ങി കടം പറ്റി യ റെഡ് ഡി  ഒരു സമാധാനത്തിലാണ് ക്ലിനികിൽ കഴിഞ്ഞത്. ഇന്നലെ വീണ്ടും കാണാൻ വീട്ടിൽ വന്നു . കരഞ്ഞുകൊണ്ട്‌ .
ഞാൻ കാരണം പാവം അയാളുടെ ഗതിയും മുട്ടി .
മുന്നൂറു ദിര്ഹം നിർബന്ധിച്ചു പോക്കറ്റിൽ ഇട്ടു കൊടുത്തു .
മകൾ ഡോക്ടർ ആണെങ്കിലും ജോലിയില്ലാതെ വീട്ടിലാണ്.
"വണക്കം സാർ ..."
[ജീവിച്ചിരിപ്പുണ്ടോയെന്നു അറിയില്ല .ഇപ്പൊ ]

ടെസ്റ്റ്‌ തോറ്റതിന്റെ മന്സ്ഥാപത്തിനു സമയം കിട്ടിയില്ല .
ഉടനേ ബീപ്പർ ഇടവിടാതെ ശബ്ദിച്ചു കൊണ്ടേയിരുന്നു .
അവസാനം വിളിച്ചു.
ക്ലിനികിൽ നിന്നു .
"ഉടനേ എത്തണം . ഹസ്സൻ ഡോക്ടർ കാണണമെന്ന് പറഞ്ഞു ."
"എന്താ കാര്യം ?"
"വണ്ടി അയച്ചിട്ടുണ്ട് ..ഖോര്ഫക്കാനിൽ എത്താൻ പറഞ്ഞു "
കാര്യം പിടികിട്ടിയില്ല പിന്നെ യാത്രയിലാണ് വിവരങ്ങൾ കിട്ടിയത് .
ഉച്ച വെയിലിൽ തിരക്കില്ലാത്ത ഹൈവേയിൽ വാനിന്റെ ചില്ലിലൂടെ പുറത്തേക്ക് നോക്കി .
സാവകാശം ഡ്രൈവെരോട് കാര്യമന്വേഷിച്ചു .
ഞാനില്ലാതിരുന്ന കാര്യം യുപി ക്കാരൻ അറിഞ്ഞില്ല . അയാൾ ദുബായ് പോയിരിക്കുന്നു . എന്നോട് പറയാൻ അയാൾക് മനസ്സില്ല . ആ സമയത്താണ് ഹസ്സന്റെ നിർദെശ പ്രകാരം ഗ്രീക്ക് കപ്പലിലെ ജോലിക്കാർ ക്ളിനികിൽ എത്തിയത് .
ഡോക്ടരില്ലാതെ അവർക്ക് തിരിച്ചു പോകേണ്ടി വന്നു .ഞാൻ എവിടെയെന്നു അറിഞ്ഞില്ല .

മുതലാളിയുടെ കൂടെ കൂടി പാരവച്ചു അളിയനെ ജോലിക്കെടുക്കാൻ നോക്കുകയാണെന്ന് എനിക്കറിയാമായിരുന്നു .
ഇനി പറഞ്ഞിട്ടു കാര്യമില്ല .
വരാനുള്ളത് വഴിയിൽ തങ്ങില്ലല്ലോ .

മുതലാളി കർണാടകക്കാരനാണെങ്കിലും കൂടേ ഇന്ന് എന്റെ സഹപ്രവര്തകനുമായി സ്വീകരണ മുറിയിൽ  ഹിന്ദിയിൽ സോള്ളിയിരിക്കുന്നു .
എന്നെ കണ്ട മാത്രയിൽ രണ്ടു ഡോക്ടർ മാർക്കും  മുഖത്ത് കടുത്ത രൌദ്രം .
"എവിടെയായിരുന്നു ഇന്നു കാലത്ത്‌ ?"

ഉണ്ടായ കാര്യം പറഞ്ഞു .
പറഞ്ഞിട്ടും ചെകുത്താനെ മാലാഖയാക്കാൻ ഒത്തില്ല .
വേദ പാരായണം വേണ്ട .
വരുന്നത്‌ വരട്ടേ .

"We have no other option . You  are terminated "മുഖത്ത് നോക്കാൻ ചങ്കൂറ്റം കാണിക്കാനാവാതെ അയാൾ .

"ശരി ."
"You can stay in the flat till end of this month "
"ഓ ഈ ഉപകാരത്തിനു തല വെട്ടി കയ്യിൽ തരാം"  എന്ന് പറയാൻ മനസ്സു വന്നു .
പറഞ്ഞില്ല .


"The Malaysian Airways Flight to ..."
അന്നൗൻസ്മെന്റ് ചെവിയിൽ മുഴങ്ങിയപ്പോളാണ്
ബോര്ടിങ്ങിനു സമയമായെന്ന് അറിഞ്ഞത് .

ഇനി പോകാം
വീണ്ടുമൊരു ജയിൽ വാസത്തിനു തിരിച്ചു വരാൻ മാത്രം ...